Landfilli i Sharrës është vendi i vetëm në Shqipëri për studimet mbi energjinë e rinovueshme. Zona e Trajtimit të Mbetjeve e cila njihet si ndryshe si Landfill i Sharrëspriti dhjetra studentë dhe pedagogë të Universitetit Politeknik dhe Universitetit Bujqësor në kuadër të programeve mësimore.
Kryesisht studentë të “Burimeve Natyrore”, te “Energjisë së Rinovueshme” dhe te “Mjedisit” pranë këtyre universiteteve mbyllën vitin shkollor në një mësim të hapur mbi njohjen e menaxhimit të integruar të mbetjeve dhe standartet mjedisore që aplikohen nga shoqëria koncesionare “Integrated Energy”.
Adri Erebara, Pedagog i Departamentit të Mjedisit dhe Burimeve Natyrore të Universitetit Bujqësor tha se cilësia e ambjentit është shumë më e lartë nga c’ishte më parë.“Falenderojmë kompaninë koncensionare për mikpritjen dhe bashkëpunimin sepse falë tyre është bërë e mundur që studentët të vijnë dhe të vëzhgojnë procesin në një ambjent me cilësi shumë më të lartë se më parë. Sasia e ujërave është përmirësuar , e tokës dhe gjithashtu e ajrit”-tha pedagogu.
Studentët mbetën të impresionuar nga vizitat në kapanonin ku do të bëhet seleksionimi manual dhe automatik i mbetjeve, si dhe nga format e depozitimit të mbetjeve.” Ishte vërtet eksperiencë e bukur ta shohim nga afër atë cfarë kemi studiuar. Më bëri përshtypje cdo gjë, ishin teknologjitë e fundit dhe ambjenti ishte shumë i mirë”-u shprehën studentët.
Studentët vëzhguan nga afër se si cilësia e ujit, tokës dhe ajrit, kanë ndryshuar rrënjësisht dhe u ballafaquan me një zone e cila respekton mjedisin dhe e mbron atë.
Landfilli i Sharrës është një vend unik për kryerjen e studimeve të thelluara master , doktotarurë dhe më tej.
