“La Repubblica” i ka dedikuar sot një artikull turizmit në Shqipëri, ku shkruhet se italianët janë magjepsur nga Shqipëria.
Agjensia Kombëtare e Turizmit, bën me dije se prej janarit e deri më korrik të 2017 në Shqipëri kanë pushuar rreth 182 mijë italianë, 56 % më shumë se sa një vit më parë.
“Italianët janë magjepsur nga Shqipëria. Këtu me 30 euro flihet në hotel e 10 euro kushton darka. Shqipëria mbetet deri më tani vendi bregdetar më i preferuar për italianët. me struktura të reja me kosto të ulët, me restorante me ushqim deti të pranueshme për portofolet jo të pasura. me plazhe parajse të arritshme pa shpenzime marramendase”, shkruan “La Repubblica”.
Kryetari i Autoritetit të Portit, ka konfermuar për median italiane se “63% i pasegjerëve që udhëtojnë përmes Barit, shkojnë e vijnë nga Shqipëria, e ky trend është gjithnjë e në rritje, Gjatë mujave korrik e gusht kanë tranziti drejt Shqipërisë është rritur me 4 % në krahasim me 2016;”
Përfaqësuesi i agjensisë turistike italiane “Go4sea”, Tommaso Valenzano, që prej vitesh organizon paketa pushimesh për qytetarët italianë të rajonit të Puglias, thotë se “aktualisht Shqipëria mbetet vendi me raportin më të mirë mes çmimit e cilësisë. Nga ana tjetër mes Adriatikut, Jonit dhe Egjeut, me vendin e Skëndërbeut mund të konkuroj vetëm Mali i Zi ose ndoshta Korfuzi që përballet gjeografikisht me Sarandën”, shprehet ai.
