Presidenti, PD, PR dhe shoqata e ish-pronarëve kërkuan rrëzimin e këtij ligji të miratuar nga mazhoranca
Gjykata Kushtetuese rrëzoi sot kërkesën e Presidentit dhe Shoqatës së ish-pronarëve për pezullimin e ligjit të pronave. Kushtetuesja argumentoi se ky ligj i qeverisë nuk dëmton pronarët.
Krahas kërkesës së Presidentit, Kushtetuesja shqyrtoi kërkesat e depozituara për ligjin e pronave nga Partia Demokratike, Partia Republikane, Kuvendi, Kryeministria dhe katër shoqatat e ish-pronarëve.
Përfaqësuesja e Presidentit deklaroi në seancë se ligji i Qeverisë për pronat është antikushtetues dhe bie ndesh me Konventën Europiane të të Drejtave të Njeriut.
Por Kushtetuesja ka vendosur të rrëzojë kërkesën e presidentit duke argumentuar se pronarët do të dëmshpërblehen sipas formulës së re.
