Presidenti Ilir Meta ka folur me tone të ashpra mbrëmjen e sotme duke deklaruar se nëse kryeministri Rama fiton në mënyrë dekmokratike në 25 pril, atëherë ai do të japë dorëheqjen.
Presidenti shton më tej se pas dhënies së dorëheqjes, ai do të marrë drejtimin e opozitës, sepse nëse Rama fiton sërish në datë 25 prill, atëherë kjo nënkupton që opozita nuk ka lidership.
“Nëse një votë preket në 25 prill, do t’i pritet dora Monika Kryemadhit së pari, Lulzim Bashës së dyti dhe Edi Ramës. Nëse ka bandit që guxon të vjedhë votat si në Dibër. Një votë u prek, do të pritet një dorë. Nuk është në kuptimin figurativ. Iua kam dhënë statistikat një mijë herë dhe kam folur për shpopullimin mijëra herë. Zotër në këtë vend do të jenë shqiptarët. Unë jam shërbëtor i parë.
Po mori Edi Rama 71 vota në mënyrë demokratike në 25 prill, në datë 26 prill unë do të jap dorëheqjen si President i Republikës. Nëse ai i merr votat në mënyrë demokratike unë jap dorëheqjen dhe do kaloj në opzoitë. Ama nëse preket një votë e shqiptarëve këtu mbaron gjithcka“, deklaroi Meta.
