Pas rastit të përdhimit të të miturës 15-vjeçare nga roja i shkollës, Partia Demokratike përmes ish-deputetes Albana Vokshi ka akuzuar se Ministrja e Arsimit, Besa Shahini ka kërcënuar dhe shantazhuar hapur OJF-të nga foltorja e Parlamentit ditën e sotme.
Vokshi tha se është e paprecedent dhe e papranueshme që një Ministre të guxojë të kërcënojë kaq hapur organizatat e shoqëtisë civile.
Gjithashtu ish-deputetja shprehet se është një absurditet që ministrja të gjobisë mediat kur ndërkohe ato ishin të vetmet që sensibilizuan rastin e vajzës së abuzuar nga roja e një shkolle.
Ndër të tjera Vokshi tha se ditën e sotme shumë gra, burra e të rinj reaguan dhe do të jenë po ata që do të largojnë nga çdo kolltuk e divan korrupsioni ku vegjeton.
Postimi i plotë:
Hakmarrja e dhunuesit
“Sulmo që të mbrohesh”!
Kështu bëri sot Ministrja e Arsimit Besa #Shahini, e cila nga foltorja e Parlamentit, institucion që duhet të ishte i popullit shqiptar dhe si i tillë më së paku, ministrja do duhej të ishte votuar prej tyre që të ushtronte detyrën, ajo #sulmoi dhe #shantazhoi #organizatat jo qeveritare dhe #mediat.
Por ajo sot nuk foli me gjuhën e një funksionareje që paguhet me taksat e shqiptarëve. Me arrogancë që nuk kuptohet nga i rrjedh, ajo urdhëroi #inspektimin e të gjitha #OJF-ve që asaj i kērkuan dorëheqjen. Pse pikërisht sot? Kë kërcënoi sot Besa? Mos vallë për të mbyllur gojën e dikujt që mund të dijë më shumë për historinë tronditëse në shkollën e Babrrusë apo histori të tjera? Pse u mor në mbrojtje nga Kryeministri Rama??
Kush ja prishi gjumin e bukurisë #Besës që e detyroi të hetonte këto ditë OJF-të duke i kërcënuar dhe shantazhuar hapur se do t’iu ndalojë financimet nga donatorët e huaj dhe buxheti i shtetit.
E paprecedent dhe e papranueshme që një Ministre të guxojë të kërcënojë kaq hapur organizatat e shoqëtisê civile.
E nuk u ndal ketu, Ministrja Shahini, me lejen e Kryeministrit, urdhëroi #AMA-n të gjobisë edhe të
gjitha mediat që sensibilizuan rastin e vajzës së abuzuar nga roja e një shkolle në Tiranë.
Shahini iu hakërrye gazetarëve me gjuhën e shefit të saj dhe u largua nga foltorja me vrap me shumë gjasa pēr në divanin e shtëpisë.
Por sot mijëra gra, burra, të rinj e të reja folën, reaguan. Së shpejti shqiptarët, aktivistë, votues e gazetarë, që ti i kërcënon do të zgjojnë e të të largoknë nga çdo kolltuk e divan korrupsioni ku vegjeton!
#MbroFëmijët
#Noonekidleftbehind
