Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Kush ishte Shën Albani i Britanisë?

Nga 27.al 0

shkruan Fahri Xharra

Shën Albani i Britanisë

Heronjtë e Trojës me fiset e tyre, të cilët shpëtuan nga shkatërrimi, u shpërngulën për në Europë. Ene Dardanidi u vendos në Itali, ku pasardhësit e tij themeluan Romën dhe më vonë Perandorinë Romake. Kurse i nipi i tij, Briti, u vendos në Angli. Por, atje gjeti popullsinë, e të njëjtit gjak të tij, që kishte krijuar Albionin, siç quhej Anglia e lashtë. Kurse Briti i dha këtij shteti emrin e tij, Britani dhe ndërtoi Londrën, nën shembullin e Trojës, duke e quajtur Troja e re (Albanët me famë një mijëvjeçare – Elena Kocaqi).

Këta popuj e dinin fare mirë nga e kishin prejardhjen. Kur Çezari, i cili rridhte nga familja e Eneas, pushtoi Britaninë, në vitin 55 p.k., i dërgon letër mbretit të Britanisë, që të nënshtrohet pa luftë, përgjigja që mori nga mbreti Kasabeli, ishte e tillë: “Kërkesa jote Çezar është skandaloze, derisa i njëjti gjak aristokratik i Eneas rrjedh si te romakët dhe te britanikët dhe i njëjti zinxhir gjaku na lidh ne, i cili duhet të jetë një urë miqësie dhe këtë duhet të na kishe kërkuar ne, dhe jo sllavërinë” faqja 53. Po ashtu Çezari e dinte lidhjen me britanikët dhe thoshte: “Në të vërtetë ne, romakët dhe britanikët kemi të njëjtën origjinë, sepse rrjedhim nga raca trojane. Babai ynë i parë pas shkatërrimit të Trojës ishte Enea. Briti, që kishte baba Selvin, djalin e Asganit, djalit të Eneas” faqja 47.

Shën Albani ishte martiri i parë i krishterë në Britani. Besohet që vdiq rreth vitit 304, gjatë kohës së Dioklecianit. Karriera e tij e krishterë ishte shumë e shkurtër, sepse u egzekutua nga Romakët gati fill pas konvertimit. Atij iu këput koka. Në literaturën kishtare si të asaj katolike, anglikane dhe orthodokse nuk shpjegohet drejt që ky ishte një alban

Ekzekutimi i Shën Albanit të Britanisë

“I am called Alban and I worship and adore the true and living God (Më quajnë Alban, punoj dhe e adhuroj të vërtetën e Zotit që jeton)”-, ishin fjalët e tij para ekzekutimit.

Në literaturën kishtare e shpjegojnë gabimisht, që emri i tij rrjedh nga fjala latine “albus” i bardhë “ (his name is derived from the Latin word “albus” which means “white” – Orthodoxy’s Western Heritage: St. Alban the Martyr).
Albani u nderua si shenjti i parë britanik dhe vendvarrosja e tij u shndërrua në vend pelegrinazhi.

Albani ishte njeri i zakonshëm, i cili bëri gjëra të jashtëzakonshme dhe vazhdon edhe sot të jetë frymëzues.
Historia e Albanit është e shënuar jo vetëm për atë që na sjell në kohën e fillimit të krishterimit, i cili ishte i ndaluar, por edhe në atë se me çfarë qëndrimi e mbrojti atë .
Albani ka jetuar në fillim të shekullit të tretë në qytetin romak të Verulamiumit, mu aty ku sot është Katedralia me emrin e tij.

Vdekja e e tij lidhet me datat, kur perandorët e tmerrshëm i publikuan ediktet kundër Krishterimit. Perandori Diokleciani në vitin 303 e kishte shpallur ediktin e ndalimit, kurse në vitin 313 perandorët (me prejardhje ilire) Konstantini dhe Licinusi e kishin shpallur Ediktin e Milanos, zyrtarizimin e Krishtërimit.

Viti 304 është i njohur si viti i ndjekjes së përgjakuri  të krishterëve me urdhërin e Dioklecianit (edhe ky me prejardhje ilire).

Duhet cekur se gati të gjithë shpërndarësit e krishtërimit në kohën e Dioklecianit dhe më vonë nëpër Europën Veriore e Qendrore ishin albanët, të cilëve nuk iu dihet emri i vërtetë.   (me siguri në arkivat e kishave të ndryshme edhe janë).

Në Zvicër “Albanifest” është festa më e madhe vjetore që mbahet për nderë të Shën Albanit, në qytetin historik të Winterthurir, ku Albani është patroni i të shenjtërve.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej