Një atentat më armë zjarri ka ndodhur mbrëm në Fushë-Krujë, që përfundoi me vrasjen e një 50 vjeçareje, ndërsa mbeti i plagosur me armë zjarri shtetasit Mariglen Haka.
27 vjeçari i cili është një personazh i njohur për policinë, ka mbërritur rreth orës 23:30 me një makinën luksoze në Spitalin e Traumës në Tiranë.
I konsideruar si një nga të “fortët” e Fushë Krujës, ai është arrestuar në shtator 2018, për posedim pa leje të armëve dhe municioneve luftarake dhe shitjes së lëndëve narkotike.
Po ashtu në qershorin e 2011-ës ai u arrestua nga policia si i akuzuar për vrasjen e Nadien Zenelit, ngjarje e ndodhur në zonën e Bllokut në Tiranë. Aso kohe, vrasja e 32-vjeçarit nga Dibra u dyshua si eleminim për shkaqe hakmarrjeje.
