Shefi i kuzhinës Renato Mekolli ka fituar së fundmi vëmendje e plotë të publikut duke u treguar i rreptë “djall” ndaj konkurentëve të formatit “Hell’s Kitchen”.
Por mesa duket, përveç talentit në kuzhinë Renato ka talent edhe këndimin. U desh që të pyetej nga fansat e tij në “story” që shefi i kuzhinës të zbulonte se po merret seriozisht me muzikën e se po përgatit këngën e tij të parë.
“E ke menduar ndonjëherë të bësh një këngë tënden?” pyetet Renato nga një ndjekës ndërkohë që surprizon me përgjigjen duke treguar se gjërat po bëhen gati, shkruan News31.al.
“Patjetër që po, po bëhet gati”-shkruan Renato duke na lënë shumë kuriozë për këtë projekt të ri të tijin që do e sjelli para publikut në një dimension tjetër, në atë të këngëtarit.
