Rozana Radi ka reaguar me anë të një videoje në rrjetet sociale kundër denigrimit të figurës femërore, veçanërisht pas sulmeve të ndyra të kryeministrit Edi Rama.
Krahas saj, artistja shkroi:
“Gjatë jetës tonë ne mësojmë se kur një burrë shan një grua, kjo ndodh jo vetëm se kjo grua nuk ia ka dhënë, por as nuk ia ka treguar.
Marrë shkak nga ajo që dëgjova mbrëmë në një emision televiziv, më lindi natyrshëm ky mesazh.
Sa e turpshme mbrëmë t’i lihet mikrofoni në dorë disa “burrave” që nuk duhet t’i dëgjohet zëri. STOP dhunës në të gjitha format ndaj grave dhe vajzave! Edhe asaj psikologjike.
Duke filluar nga liderë shqiptarë e deri te djemtë që zënë karrige emisionesh jo për të gjetur dashurinë (se një djalë i ri e gjen dhe jashtë studios atë), por për disa klikime më shumë! Jam dakord që janë të rinj dhe le të argëtohen, por kujdes:
Kujdes, kur hapni gojë! Mendohuni që nëna juaj nuk do jetë krenare, kur ju dëgjon duke fyer një grua”.
