Më 14 qershor, vetëm pak kohë para se të fillojë ndeshja ndërmjet Rusisë dhe Arabisë Saudite që do të shënojë fillimin e Kampionatit Botëror, tre yje ndërkombëtare do të kujdesen për të ngritur atmosferën në “Luzhniki Stadium” të Moskës.
Ikona globale e muzikës, Robbie Williams, do ta argëtojë publikun dhe miliona shikuesit anembanë botës, së bashku me sopranon ruse, Aida Garifullina, e cila do t’i bashkëngjitet në skenë. Lavdia e futbollit do të prezantohet nga dy herë fituesi i Kupës së Botës, legjenda braziliane, Ronaldo.
“Jam shumë i lumtur dhe i entuziazmuar që do të kthehem në Rusi për një performancë aq unike.
Kam bërë shumë gjatë karrierës time dhe hapja e Kampionatit Botëror, para 80.000 tifozëve të futbollit në stadium dhe shumë miliona të tjerëve (që shikojnë) nga e gjithë bota, është një ëndërr e fëmijërisë.
Duam t’i ftojmë tifozët futbollit dhe fansat e muzikës që të argëtohen me ne në Rusi, në stadium ose t’ia lëshojnë zërin televizorit pakëz më herët për një koncert të paharrueshëm”, ka thënë Williams, shkruan tg.
Ceremonia hapëse e edicionit të sivjetmë të Kampionatit Botëror do të dallojë nga edicionet e kaluara, pasi kësaj radhe do të përqendrohet në performancat muzikore dhe koncerti do të zhvillohet vetëm gjysmë ore para fillimit të ndeshjes.
Ish-kryeministri Mariano Rahoi, që më herët është kritikuar për mënyrën se si e menaxhoi krizën katalane, u rrëzua nga posti pas një mocioni mosbesimi në parlament më 1 qershor.
