Studentët do të dalin sërish sot në protestë, në kundërshtim të vendimit të Ministrisë së Arsimit për ta kaluar online mësimin në fakultete.
Gjatë protestës së djeshme studentët konfirmuan se kjo formë nuk ka asnjë rezultat pasi është provuar gjatë vitit të mëparshëm akademik.
Po ashtu ata kërkojnë një paketë sociale për qiratë, internetin, librat dhe kostot e jetesës.
Kërkesat e depozituara të studentëve në Ministrinë e Arsimit:
Paketa e telefonive falas, pajisjet teknologjike që mundësojnë mësimin online, rimbursim të tarifave dhe qirave tashmë të paguara.
Mësimi i alternuar ndërmjet online dhe auditorë, leksionet online ndërsa seminaret në auditorë
Rimbursim i pagesës së konvikteve dhe qirave
Pagesat e internetit falas dhe të dedikuara për studentët
Mundësimi i pajisjeve teknologjike të nevojshme për studentët që nuk kanë akses online.
