Një 53-vjeçar dhe djali i tij kanë rënë në prangat e policisë në Krujë ditën e sotme, në kuadër të operacionit të koduar “Kroi i Madh”. Gjatë kontrollit në banesën e qytetarit me inicialet H. K., 53 vjeç dhe S. K., 19 vjeç, policia gjeti fidanë të dyshuar narkotikë, të kultivuar në kubikë, dhe rreth 3.7 kg lëndë e dyshuar narkotike në formë boçeje.
Po ashtu, gjatë kontrollit të territorit, në fshatin Kroi i Madh, në dy sipërfaqe toke në afërsi të njëra-tjetrës, kanë gjetur dhe asgjësuar bimë të dyshuara narkotike kanabis sativa, të cilat dyshohet se janë kultivuar nga 53-vjeçari dhe djali i tij.
“Vijon kontrolli i territorit, me qëllim parandalimin, evidentimin dhe goditjen e veprimtarisë kriminale në fushën e kultivimit të bimëve narkotike. Finalizohet operacioni policor i koduar “Kroi i Madh”. Arrestohen në flagrancë babë e bir. Gjatë kontrollit në banesën e tyre, u gjetën fidanë të dyshuar narkotikë, të kultivuar në kubikë, dhe rreth 3.7 kg lëndë e dyshuar narkotike.”
Së fundmi, materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, për veprat penale “Kultivimi i bimëve narkotike” dhe “Prodhimi dhe shitja e narkotikëve”, të kryera në bashkëpunim.
