Shqiptarët që jetojnë ilegalisht në Angli vijojnë të jenë në qendër të mediave britanike.
Së fundmi Daily Mail ka zbuluar se kush është personi që përmes një llogarie në Facebook publikon foto të shqiptarëve në kamionë të cilët hynë ilegalisht në Britaninë e Madhe.
Fari Lleshi, djali nga Kukësi e ka nisur rrugëtimin e tij në Itali nga ku është dëbuar pasi grabiti një bankë.
Më pas Lleshi ka udhëtuar ilegalisht drejt Anglisë ku për disa kohë ka punuar në ndërtim, ndërsa tashmë menaxhon faqen “Shqiptarët në Londër” ku publikon foto të shqiptarëve që tentojnë të hynë në Britani.
“Pasi përfundova dënimin në Itali erdha në Angli si shumë shqiptarë. Autoritetet nuk e dinë që unë jam në Angli ilegalisht si shumë emigrantë të tjerë”, ka thënë Lleshi, i cili tashmë i ka hyrë rrugës së muzikës duke përdorur emrin Baba Lllesh dhe 2Gunz.
https://youtu.be/FjRcD0yp0-Q
