Sindrit Guri goditja e parë e verilindorëve, pas një sezoni të jashtëzakonshëm me 20 gola të shënuar tek Korabi
Largimi i Klodian Duros nga stoli i Kukësit nuk ishte në fakt aq i rastësishëm dhe vetëm për mungesën e akordit financiar. Drejtori i ri Dritan Dervishi thuhet se ia hoqi mundësinë e ekskluzivitetit të vendimeve për merkaton, gjë që trajneri elbasanas e kishte shumë për zemër në prag të sezonit të ri. Dhe goditja e parë ka ardhur pikërisht alla-Dervishi, i cili ka sjellë në Kukës, Sindrit Gurin, një lojtar që pëlqehej shumë prej tij, madje që kur ishte drejtor i Partizanit e bindi fillimisht të vishte uniformën e kuqe. Sulmuesi shkodran është 23 vjeç dhe sezonin që sapo u mbyll i dha një ndihmë të jashtëzakonshme Korabit për t’u ngjitur për herë të parë në Superiore, me 20 gola të shënuar. Guri shiihet si një nga sulmuesit më me perspektivë dhe transferimi i tij me atë të Cikalleshit dikur po tek kjo skuadër, fare pa bujë, por që tani i vlen kartoni rreth 2 milionë euro. Në një ndalesë në Peshkopi, Guri u vlerësua edhe nga trajneri De Biazi, I cili e përgëzoi personalisht pas ndeshjes me Erzenin.
