Një aksident i rëndë ka ndodhur pasditen e sotme në Kukës, ku si pasojë një person ka humbur jetën dhe janë plagosur rëndë dy të tjerë. Sipas të dhënave paraprake mësohet se automjeti me targa AA 965 HM ka dalë nga rruga për shkak të lagështirës e për pasojë një person ka ndërruar jetë dhe 2 të tjerë kanë mbetur të plagosur.
Mësohet se ka humbur jetën 59-vjeçarja S. Cena. Dy të plagosurit e tjerë janë transportuar në Qendrën Spitalore të Traumës në Tiranë pasi janë në gjendje të rëndë. Policia po punon për zbardhjen e plotë të rrethanave të këtij aksidenti.
