Dy eurodeputetët u takuan me kryeministrin Rama, kreun e opozitës Basha dhe kreun e Kuvendit Ilir Metën
Pa miratuar reformën në drejtësi nuk do të ketë një datë për hapjen e negociatave me BE-në. Ky është mesazhi i dy europarlamentave, Knut Fleckenstein dhe Eduard Kukan. Në konferencën për shtyp pas takimeve më politikanë të mazhorancës dhe opozitës, dy eurodeputetët deklaruan se reforma është në rrugën e duhur. Fleckenstein dhe Kukan shprehen gatishmërinë e tyre për të ndërmjetësuar në se procesi për reformën në drejtësi do të ketë pengesa, atëherë kur reforma të hyjë në pikën e saj më të nxehtë pas rekomandimeve të Venecias.
“Shqipëria është vend kandidat në BE. Në mënyrë që te marrë një datë për hapjen e negocitave, ka disa pritshmëri për Shqipërinë dhe më e rëndësishmja që duhet implementuar është reforma në drejtësi”, tha Kukan. Të njëjtin qëndrim mbajti edhe Fleckenstein: “Në pak javë në PE, diskutohet raporti im për Shqipërinë. Do të kërkoj që KE të ketë një mision monitoruese që të shohë çfarë do të ndodhë me zbatimin e saj. Reforma nuk bëhet as për të kënaqur zonjën Merkel, as për të kënaqur zotin Junker, por për qytetarët shqiptarë. Prokurorite dhe gjykatat duhet te jene të pavarura. Nuk mund të jap një koment, se si do ta trajtoje paralmenti këtë çështje”, tha Fleckenstein.
