Nga Klodian Tomorri
Përsëritja e tenderit në lotin e parë të Unazës së Re në Tiranv dhe atij të linjës 220 kilovolt Burrel-Peshkopi e ka ulur faturën për taksapaguesit me 5.5 milionë euro.
Askush nuk e beson se kompanitë që kanë ofruar çmime më të ulëta në tenderat e dytë kanë hyrë në tendera me fitim zero. Fitimi i kompanive është aty. Atëherë çfarë janë 5.5 milionë eurot që dolën më pak?
Pvr “rastësi” të habitshme në të dy tenderat e përsëritur, çmimet e ofruara kanë qenë saktësisht 20 për qind më të ulëta se sa tenderat e parë të fituar nga DH Albania. Për ironi, në Shqipëri shifra e 20 për qindëshit është shoqëruar shpesh me fjalën rryshfet nga pas.
Edhe në publik ka patur shumë akuza me shifrën 20 për qind brenda, madje deri në majen më të lartë të piramidës shtetërore. Jetojmë në epokën e 20 për qindëshit.
Problemi është se shteti shqiptar prokuron në tendera publike mesatarisht 870 milionë euro në vit mallra dhe punë publike. Nëse i përplas të gjitha me 20 për qind, vlera që përfitohet është rreth 180 milionë euro në vit.
Pyetja është, kujt i humbën këto 5.5 milionë eurot e DH Albanias dhe ku shkojnë ato 174.5 milionë të tjerat. Aritmetikë e çmendur
