Sami Dema, kryetar i Dhomës së Avokatisë në Lezhë, u arrestua dje pas akuzave për “Korrupsion aktiv” dhe “Ushtrimi i ndikimit të paligjshëm ndaj personave që ushtrojnë funksione publike”. Mësohet se Dema ka marrë një shumë prej 6 mijë euro nga familjaret e një të dënuari me premtimin për lirim nga burgu.
Ndërkaq, ka reaguar dhe Shaqe Marinaj, nënkryetarja e Dhomës së Avokatisë Lezhë, duke e cilësuar arrestimin e Demës një show. Marinaj shton se Drejtësia e Re dhe SPAK po shkel më të dyja këmbët të gjitha parimet mbi të cilat duhej të bazohej drejtësia.
Në deklaratën e Dhomës së Avokatisë Lezhë, bëhet thirrje për protestë për të vënë në vendin e duhur figurën e profesionit të avokatit.
Shaqe Marinaj: Arrestimi i kryetarit të Dhomës Vendore të Avokatisë Lezhë, që përfaqëson tre rrethe është show dhe cenim i profesionit të Avokatit në Republikën e Shqipërisë. Drejtësia e Re u betua se do të ngrihej mbi parimet e deklaratës universal për të drejtat e njeriut, barazinë para ligjit. Por SPAK vërtetoj tërësisht të kundërtën, duke shkelur me të dyja këmbët të gjitha parimet mbi të cilat duhej të bazohej drejtësia. Përse masa e sigurimit personal “Arrest në burg” në mungesë? Pse nuk janë ezauruar procedurat për njoftimin e të akuzuarit dhe të njoftohej të marrë pjesë në seancën e vlershmit të arrestimit? Që të kuptohet nëse ka vepër penale, absolutisht duhet të marrë dënimin përkatës sipas ligjit, por në asnjë mënyrë nuk pajtohem me shoë të drejtësisë dhe me nëpërkëmbjen e një profesioni kaq fisnik, siç është ai i avokatit. Me këtë rast të paprecedent i bëj thirrje të gjithë kolegeve të protestojmë, në krah të respektimit të ligjit, e të respektimit të të drejtave të njeriut si dhe vënien në vendin e duhur të drejtat dhe figurën e profesionit të avokatit në Republikën e Shqipërisë.
