Nga Arben Llalla
Para pak kohe një delegacion që përbëhej nga shkëlqesia e tij Donato Oliveri, papa Antoni Belushi, e të tjerë, bënë një takim me Kryepeshkopin e Athinës dhe gjithë Greqisë Jerominos.
Gjatë takimit me vëllezërit e tij të gjakut dhe të gjuhës së mëmës dhe shpirtit Kryepeshkopi i Greqisë, Jeromenos tha: “ghiaku UI Nen bëghet”, që do të thotë “gjaku ujë nuk bëhet”. Kjo frazë e tij i referohet historisë së arbërit që pas tragjedisë së luftërave kundër osmanëve emigruan nga Morea-Peloponezi për në Kalabri, Siçili e gjetkë.
Kryepeshkopi Jeromenos para se të zgjidhej në këtë detyrë të lartë kishtare ka qenë Mitropolit i Thivës nga 1981-2008, një vendbanim që historikisht është banuar dhe banohet nga arvanitasit.
Sot, po paraqesim një fotografi të vjetër të vitit 1990, ku tregohet kryepeshkopi Jeromenos në mesin e shqiptarëve të Italisë që veten e thërrasin arbëreshë (arbëreshët shteti italian i njeh si pakicë historike shqiptare).
