I shqetësuar për krizën politike në vend Ministri i Brendshëm dhe njëherazi Zv.kryeministri i Italisë, Matteo Salvini shprehet se ka zhvilluar një telefonatë edhe me Presidentin e Shqipërisë, Ilir Meta.
“Pasdite të mbarë nga zyra e ministrisë së Brendshme. Kam pasur një ditë impenjative. Telefonova homologun libian. Kam dëgjuar edhe presidentin shqiptar për t’u munduar të kuptoj se si mund ta ndihmojmë një vend të vogël, fqinj dhe mik me ne”, – ka thënë Salvini në një video live nga zyra e tij.
Në komunikim e tij live Salvini shprehet se Italia është e gatshme të bllokojë çdo lloj paligjshmërie në lidhje me emigracionin.
“Emigracioni nuk mund të menaxhohet nga anijet e jashtëligjshme. Ne jemi të gatshëm të bllokojmë çdo lloj paligjshmërie. Kush bën një gabim, paguan. P.S. Evropa? Mungon, si gjithmonë”, – shkruan Salvini mbi përshkrimin e videos.
