Ditën e djeshme besimtarët ortodoksë në mbarë botën nuk mundën në mesnatë të shkojnë pranë kishave të tyre për të festuar ngjalljen e Krishtit për shkak të izolimit nga pandemia e koronavirusit.
Në katedralen ortodokse “Ngjallja e Krishtit” në Tiranë ashtu si në të gjitha kishat e vendit, meshat u kryen pa besimtarë.
Kryepeshkopi Anastas mbajti meshën e madhe në katedralene Tiranës me fjalët e ungjillit dhe në orën 12.00 kur kryepeshkopi dhe gjithë të parët e kishave të vendit shqiptuan “Krishti u ngjall”, drita e shenjtë nuk u shpërnda si zakonisht nga kisha nëpër shtëpitë e tyre.
Thirrja “Krishti u ngjall” u shoqërua këtë vit nga dëshira për të qenë të shëndetshëm, për të mos pasur frikë ashtu sic tha kryepeshkopi Anatstas dhe që Pashka tjetër të na gjejë të bashkuar e solidarë.
Për besimtarët ky moment simbolizon rilindjen e shpresës, forcën e besimit tek Zoti, kalimin nga e përkohshmja tek e përjetshmja dhe çlirimin e njerëzve nga mëkatet.
27.al uron besimtarët ortodoksë Gëzuar Pashkët!
