Kreu i Partisë Republikane Fatmir Mediu po konsumon një kafe pune me Ambasadorin amerikan Donald Lu. Takimi mes tyre ka nisur që në orën 10:30.
Në fokus të diskutimeve mes tyre mendohet se është situata politike në vend. Zhvillimi vjen në një kohë kur ndaj Partisë Demokratike dhe aleatëve të saj janë shtuar presionet për pjesëmarrjen në zgjedhjet e 18 qershorit.
Një ditë më parë Mediu u pa në kafe dhe me Sekretarin e Përgjithshëm të Kryeministrisë, Ëngjëll Agaçi, porse kreu i PR-së tha se kjo ishte një kafe mes komshinjsh dhe miqsh dhe se nuk kishte lidhje me aktualitetin politik.
