Kryetari i Akademisë së Shkencave të Kosovës, Mehmet Kraja, i ftuar mbrëmjen e sotme në emisionin “Pressing” ka thënë se pas Ballkanit të Hapur qëndron një “hile”.
“Ka një gjë që duhet ta kemi të qartë sa i përket zhvillimeve në rajon rreth Ballkanit të Hapur se Më i zëshëm Edi Rama se Vuçiçi, më i zëshëm Abazoviçi se Gjukanoviçi. Është pak absurde, por kështu është. Është pak e çuditshme. Pse është e çuditshme? Pse duhet të jemi kundër Ballkanit të Hapur? Nuk duhet. Por problemi është tjetërku dhe fshihet herë pas here. Edhe kur erdhi në tiranë shefi i KE-së, e këtu tek ne. Jepen deklarata por fshihen të tjera. Gjithëpërfshirës. Pse fshihet ajo?”.
Gjithashtu, nga ana tjetër Kraja shton se kryeministrat shqiptarë janë çuditërisht më të zëshëm për këtë nismë, se sa ata të rajonit.
“Kjo është esenca. Esenca është gjithëpërfshirja. Nuk ka arsye tjetër të veçante për këtë punë. Është problemi i gjithëpërfshirjes. Tash për tash, Edi Rama dhe Vuçiç insistojnë të bëjnë një Asociacion ose bashkim shtetesh, ku janë të parët dhe të dytët e të tretët. Të parët janë Shqipëria dhe Serbia, të dytët Maqedonia e Mali i zi dhe të tretët ne e Bosnja. Një ndarje e tillë nuk mund të bëhet. Nuk është një proces gjithëpërfshirës. Nuk është edhe një proces që i jep Kosovës trajtim të barabartë. Pasi nëse do të ishte nuk ka arsye të mos jemi aty. Sepse Serbia do na njihte atëherë. Por këtu qëndron hileja që po them”.
