KQZ regjistron “Bindja Demokratike”/ Manjani: Provë ulëritëse se nuk sundon ligji, por dhuna e pushtetit

Ish-ministri i Drejtësisë Ylli Manjani ka komentuar menjëherë vendimin e KQZ-së për regjistrimin e Bindjes Demokratike në zgjedhjet e 30 qershorit.
Manjani shprehet se kjo është një provë ulëritëse se nuk sundon ligji, por dhuna e pushtetit pa vota.
Ndërkohë ai thekson se kjo parti është rregjistruar vetëm për të marë pjesë në votime, pasi për zgjedhje nuk bëhet fjalë.
“Shumë mirë bëri shumica që me dhunë regjistroi Bindjen Demokratike për të marrë pjesë në votime (se për zgjedhje s’bëhet fjalë).
Kjo është një tjetër provë ULËRITËSE se nuk sundon ligji, por dhuna e pushtetit pa vota!
Them “shumë mirë”, sepse sa herë që flasin për legjitimitet zgjedhjesh, duhet tu përplasen turinjve këto fakte të PALIGJSHMËRISË”, shkruan Manjani.