Komisioni Qendror i Zgjedhjeve ka miratuar sot me 6 vota pro dhe 1 kundër kallëzimin penal të 76 numëruesve, të cilët akuzohen se në 25 qershor kanë tjetërsuar votat disa subjekteve politike.
Pas kallëzimit të KQZ tashmë i mbetet në dorë Prokurorisë së Përgjithshme të vendosë nëse bëhet fjalë për gabim njerëzor apo tjetërsim të qëllimshëm.
Vjedhja e votive u faktua pas rinumërimit të 64 kutive të Tiranës të denoncuara nga PDIU dhe Partia Socialiste.
Në mbledhjen e sotme Komisioni Qendror i Zgjedhjeve ka miratuar edhe mandatin e deputetit Zef Maçi për Qarkun e Lezhës i cili zëvendëson Gjovalin Kadelin.
