Instituti Kombëtar i Shëndetësisë Publike (IKSHPK), njofton se gjatë 24 orëve të fundit, në Kosovë katër pacientë kanë vdekur dhe janë regjistruar 229 raste të reja me koronavirus.
“Rastet e vdekjes janë nga komunat: Prishtinë 1 rast (80 vjeç), Prizren 1 rast (62 vjeç), Malishevë 1 rast (33 vjeç), Skenderaj 1 rast (71 vjeç)”, thuhet në njoftim.
Rastet e reja, siç thuhet në raportin e IKSHPK-së, dalin pas testimit të 1.294 mostrave.
Në 24 orët e fundit, sipas raportit, nga sëmundja COVID-19 (që e shkakton koronavirusi), janë shëruar edhe 363 persona.
Që prej marsit të vitit 2020, e deri më 2 janar, 2021, Kosova ka regjistruar 51.731 raste me koronavirus.
Prej tyre, 1.340 pacientë kanë vdekur dhe 42.215 janë shëruar.
Raste aktive aktualisht janë 8.176.
