Ministri i Arsimit dhe Shkencës në Kosovë, Ramë Likaj ka vendosur që të shtyhet data mbajtjes së Testit të Arritshmërisë dhe Testit të Maturës Shtetërore.
Mësohet se ky vendim është marrë në konsultim me Ministrinë e Shëndetësisë dhe IKShP-në për shkak të situatës epidemiologjike të ditëve të fundit dhe me qëllim të ruajtjes së shëndetit publik.
Sipas vendimit, datat e reja për mbajtjen e këtyre testeve janë:
Testi i Arritshmërisë do të mbahet më 20.08.2020.
Testi i Maturës do të mbahet më datë 29.08.2020.
Kujtojmë që rastet me Covid-19 në Kosovë janë shtuar shumë ditët e fundit, duke pësuar kështu një rritje të të infektuarve në total.
