Majlinda Kelmendi sot pasdite kthehet në Kosovë si fituesja e Medaljes së Artë në Lojërat Olimpike 2016.
Xhudistja, rreth orës 18:00 të zbresë në Aeroportin Ndërkombëtar ‘Adem Jashari’.
Kelmendi bashkë me ekspeditën e Kosovës, do të priten në mënyrë institucionale. Nga ana tjetër pritet që qytetarët të shumtë ta presin atë në mënyrë madhështore.
Ministria e Kulturës, Rinis dhe Sportit të Kosovës (MKRS), përmes një njoftimi ka konfirmuar se ekspedita e Kosovës do të pritet në mënyrë institucionale.
Në pritjen e Majlindës do të jenë Kryeministri i Kosovës, Isa Mustafa, familja e Majlinda Kelmendi, Ministri i Sportit, Kujtim Shala si dhe zyrtar të tjetër shtetëror.
Kjo është axhenda për pritjen e Majlindës:
Pritja zyrtare e Majlinda KELMENDIT, Fituse Olimpike e Medaljes së Artë në Xhudo “RIO 2016”në Aeroportin Ndërkombëtar Adem Jashari – Prishtinë
17:40 – 18:00 Arritja: Adria Airways Frankfurt – Prishtinë.
18:00 – 18:10 Pritja:
Z. Isa MUSTAFA – Kryeministër i Republikës së Kosovës,
Familja e Majlinda Kelmendit
Z. Kujtim SHALA – Zv. Kryeministër dhe Ministër i MRKS-së
Znj. Vlora DUMOSHI – Shefe e Stafit të Kryeministrit
Z. Shasivar HAXHIJAJ – Nënkryetar i Komitetit Olimpik
Z. Sokol HAVOLLI – Shef i Kabinetit të Kryeministrit
18:10- 18:30 Salloni VIP 1
18:30 – 19:00 Konferenca për media
19:00 – 19:30 Nisja nga Aeroporti Ndërkombëtar Adem Jashari për në Prishtinë.
19:30 – 20:30 Parakalimi i Majlinda KELMENDIT me autobus të hapur nëpër sheshet e Kryeqytetit.
