Nga Enver Robelli
Nga një ligjëratë e dr. Ibrahim Rugovës, mbajtur në Forumin Shkencor të Schwarzenbergut në Vjenë në fillim të viteve 90-të
a) Kosova dhe shqiptarët në ish-Jugosllavi përbëjnë gjysmën e popullit shqiptar në raport me Shqipërinë. Atyre duhet t’u njihet e drejta për vetëvendosje, në kohën kur po shkatërrohet një shtet federal, pjesë e të cilit ishin. Kosova i ka kufijtë dhe territorin e vet;
b) Në aspektin gjeostrategjik Kosova gjendet në mes të Ballkanit, nëpër të cilën që nga antika kalonin rrugë të rëndësishme, si Via Egnatia dhe lidhej me bregun e Adriatikut e Evropën, si dhe me Evropën qendrore. Në integrimet e ardhshme do të luajë këtë funksion.
c) Është regjioni më i pasur me minerale dhe me resurse të tjera në Ballkan dhe njëri ndër më të pasurit në Evropë. Këtë Serbia dëshiron ta kamuflojë me të drejtën historike, sepse e dominoi në një kohë të mesjetës. Ne kujtojmë sentimentin historik, por monumentet serbe, ishin edhe të traditës shqiptare bizantine e katolike. Serbia duhet të heqë dorë nga pretendimet mbi Kosovën.
