Kosova arrin marrëveshjen për të votuar Demarakcionin. Vetëvendosja nuk është pjesë e kësaj dakordësi që paraprin votimin e Marrëveshjes për Shënimin e Kufirit Shtetëror mes Kosovës dhe Malit të Zi.
Kadri Veseli, kreu i Kuvendit të Kosovës ka njoftuar këtë zhvillim përmes një postimi në Facebook
Veseli shkruan:
“Të nderuar qytetarë,
Sapo kemi arritur konsensusin për të ratifikuar Marrëveshjen për Shënimin e Kufirit me Malin e Zi. Dëshiroj të falënderoj Kryeministrin Haradinaj, Lidhjen Demokratike të Kosovës, Nismën Socialdemokrate dhe zëvendëskryeministrin Pacolli për gatishmërinë për konsensus dhe për dialogun shumë konstruktiv. Ky bashkëpunim duhet të na përcjellë edhe në procese të tjera të rëndësishme për vendin.”
Demarakacioni është kushti që Brukseli i ka vënë Kosovës, që të bëhet liberalizimi i vizave.
Seanca për votimin e Marrëveshjes së Demarkacionit do të mbahet këtë të mërkurë, kur vendin pritet ta vizitojë edhe Presidenti i Komisionit Europian, Jean-Claude Juncker.
