Studentja shqiptare e cila studionte në epiqëndrën e koronavirusit, në Wuhan,Silva Doçi ka përfunduar periudhën e karantinës në Turqi.
Ajo u evakuua përmes një avioni ushtarak turk nga qyteti i Wuhan-it.
Mësohet se studentja shqiptare Silva Doçi, pas një mori me ekzaminimesh nuk është mbartëse e koronavirusit.
Ajo do të kthehet në Shqipëri në ditët në vijim, pas marrjes së dritës jeshile nga mjekët turq nën kujdesin e të cilëve qëndroi për 14 ditë.
Gjatë paradites të së premtes, 42 të evakuuarit u vizituan nga ministri turk i shëndetësisë i cili deklaroi se:
“Nga këtu dua të shpreh falënderimet për punonjësit tanë, personelin shëndetësor dhe ata që kanë shërbyer. Ky proces 14 ditor ka përfunduar, ata pas kësaj do të vazhdojnë jetët e tyre normale.
Nuk ka nevojë që të bëjmë ndonjë monitorim. Bordi shkencor nuk ka ndonjë propozim në këtë drejtim. Shtetasit nga Azerbajxhani, Gjeorgjia dhe Shqipëria për shkak se i kanë nesër rezervimet e avionëve, u shprehën se duan të qëndrojnë edhe një ditë. Pra, do të kemi si mysafirë edhe për një ditë vëllezërit dhe motrat tona”, tha Koca, duke bërë të ditur se personat nën karantinë kanë mbetur shumë të kënaqur.
Jemi rikthyer përsëri në diktaturë, Edi Rama dekoroi babanë e tij xhelat –
Kreu i PD-së, Sali Berisha, gjatë fjalës së tij në një aktivitet publik, deklaroi se në Shqipëri është rikthyer një...
