Pezullimi i bisedimeve me familjarët për shkak të emergjencës së shkaktuar nga koronavirusi ka hedhur në protestë të dënuarit në 27 burgje të Italisë.
Deri më tani ka gjashtë viktima, përfshirë tre në Modena. Në Pavia dy oficerë burgu u rrëmbyen, nga të burgosurit që vodhën çelësat e qelive duke çliruar dhjetëra të burgosur. Njëzet të burgosur shpëtuan nga Foggia. Trazirat serioze pati në San Vittore (Milano) dhe Rebibbia Romë. Dy policët e marrë peng në Pavia u lanë të lirë gjatë natës: njëri prej tyre është komandanti i policisë të Torre del Gallo.
Një revoltë e madhe shpërtheu edhe në burgun e Milanos, ku të burgosurit hipën në çatinë e ndërtesës nga ku kërkonin liri. Situata e tensionuar u qetësua përkohësisht pas ndërhyrjes së policisë së burgjeve. Aktualisht janë mbyllur të gjitha rrugët që të çojnë në këtë burg.
