Imunologët amerikanë paralajmëruan se numri i viktimave nga koronavirusi në SHBA mund të kalojë 100 mijë dhe pak ditë kaluan pasi Pentagoni ka konfirmuar se FEMA i ka kërkuar 100 mijë qese për trupat e pajetë.
“Departamenti i Mbrojtjes dhe Agjensia e Logjistikës së Mbrojtjes kanë një marrëveshje afatgjatë me FEMA për të siguruar mallra nga partnerët kryesorë gjatë operacioneve të reagimit ndaj krizave”, tha zëdhënësi i Pentagonit Mike Andrews.
“Aktualisht DLA po i përgjigjet kërkesës së FEMA për të blerë 100 mijë qese morgu për të përballuar emergjencat në emër të agjencive shtetërore të shëndetit”, tha ai në një e-mail për mediat amerikane.
Të martën, Dr. Anthony Fauci, drejtori i Institutit Kombëtar të Alergjisë dhe Sëmundjeve Infektive në SHBA, tha në një konferencë shtypi në Shtëpinë e Bardhë me Presidentin Trump se më shumë se 100,000 njerëz në SHBA mund të vdesin nga koronavirusi.
