Ministri i Shëndetësisë, Venko Filipçe, gjatë pyetjeve të gazetarëve mbi hapjen e kufijve të shtetit ai tha se për momentin nuk është në plan një diskutim i tillë. Por ai tha se janë në komunikim të vazhdueshëm me vendet fqinje të rajonit dhe shkëmbejnë informacione dhe në bazë të saj do të merren edhe vendimet, por për momentin numri në vendin fqinj është shumë i lartë.
Ministri Filipçe gjatë konferencës për shtyp tha se Qeveria sot nuk ka diskutuar për shtrëngimin e masave por një gjë të tillë do ta bëjë nesër pasi Komisioni i Sëmundjeve Infèktive veçmë ka propozuar masat e reja.
Ai tha se në fazën e parë e mbajtëm situatën nën kontroll, në momentin që lehtësuam masat, atëherë u rritën edhe numrat, kjo e gjitha ka ardhur si shkak i mosrespektimi i masave.
Ai pretendoi edhe një herë se virùsi është ende prezent dhe duhet të vazhdohet me respektimin e masave. “Vetëm me respektimin e këtyre parimeve mund t’i japim fund epidemis”, tha Filipçe, përcjell Alsat.
Drejtori i Qendrës së Shëndetit Publik në Shkup, Arben Ziberi, në një konferencë për shtyp tha se për momentin numrin më të madh të të prekurve dhe klastereve gjendet në komunën e Çairit me 169 raste aktive dhe kjo ka ardhur menjëherë pas festës së Bajramit, ku 16 raste ka pasur vetëm sot nga 67 raste në të gjithë Shkupin.
Ai tha se më parë komunat pròblematike në Shkup ishin Karposhi, Aerodromi edhe të tjerat. Ai tha se 90 për qind e rasteve përbëhet nga 20 klasterë, nga 3 deri në 22 pjesëtarë për çdo klaster. Lajmi i mirë është se me klasterë kaq të koncentruar, situata është nën kontroll dhe mund të ndërhyhet më kollaj.
