Gjatë 24 orëve të fundit në Itali janë raportuar 575 viktima si pasojë e infektimit me koronavirus.
Duket se shteti fqinj po qendron pezull, pa një përmirësim të dukshëm, pasi shifrat thuajse nuk kanë ndryshuar prej 3 ditësh. Dje u raportuan 525, sot 50 më shumë të vdekur, duke e çuar në 22.745 numrin e përgjithshëm të jetëve të humbura.
Janë regjistruar gjithashtu 3493 raste të reja infeksioni, me një numër total prej 172.434 të infektuarish. Vihet re një ulje e lehtë për sa i përket rasteve të reja, duke qenë se dje u raportuan 3786 të tilla.
