Stafi mjekësor i Spitalit të Beratit është vetëkarantinuar ditën e sotme, pasi një paciente nuk i tregoi të vërtetën se kishte qenë në Itali.
Një mjek, infermierja dhe shoferi i ambulancës kishin shkuar për t’i ardhur në ndihmë një qytetareje e cila vuante nga astma dhe ishte në gjendje të rëndë.
Gjatë vizitës, stafi mjekësor konstatoi se 50-vjeçarja nuk kishte kriza astmatike, temperaturë apo shenja të tjera. Ajo u kishte thënë mjekëve që prej disa ditësh kishte kollë dhe dhimbje fyti, por nuk i kishte treguar se kishte qenë në Itali 1 javë më parë.
Pasi kanë dalë nga banesa, stafi mjekësor është informuar nga fqinjët se gruaja kishte ardhur nga Italia para 1 jave, gjë që u konfirmua edhe nga vetë pacientja më pas.
50-vjeçares i janë marrë mostrat për analiza. Gjithashtu janë marrë edhe mostrat e stafit mjekësor që ishin në kontakt me pacienten.
