30 mjekë shqiptarë do të mbërrijnë në Bergamo pasditen e sotme për të mbështetur Italinë në situatën e emergjencës ndaj koronavirusit.
Siç raporton Corriere della Sera, mjekët do të mbërrijnë në aeroportin e Romës, por do të veprojnë në të gjithë qytetin e Bergamos, ku do të transferohen.
Vajtja e personelit shëndetësor shqiptar në Itali është fryt i një marrëveshjeje mes kryeministrit shqiptar Edi Rama dje ministrit të jashtëm italian Luigi Di Maio.
Sipas burimeve të Corriere della Sera, mjekët do të qëndrojnë në Itali një muaj dhe do të paguhen nga Shqipëria. Mësohet që kryeministri shqiptar është shprehur se nuk mund të shihte Italinë në kaq shumë vështirësi dhe do të ndihmojë, sepse shqiptarët e duan Italinë.
Ministri Di Maio do të presë mjekët shqiptarë në aeroport, ndërsa u shpreh se mjekët shpëtojnë jetë dhe në këtë moment vendi po rizbulon vlerën më të rëndësishme që është jeta.
