Gjermania është bërë shteti i fundit që mbyll kufijtë ndërkohë që po përpiqet të frenohet përhapja e koronavirusit.
Kufijtë e saj me Francën, Austrinë dhe Zvicrën u mbyllën sot në mëngjes. Shifrat e fundit të Organizatës Botërore të Shëndetësisë tregojnë 164 mijë raste të konfirmuara dhe 6470 të vdekur në të gjithë botën.
Mediat gjermane njoftojnë se shkollat në Gjermani u mbyllën javën e kaluar, ndërsa Berlini gjatë fundjavës mbylli të gjitha klubet, baret dhe qendrat e fitnesit. Takimet e mbipopulluara në të gjithë vendin janë të ndaluara.
