Drejtuesit e Fiorentinës kanë gjetur një gur të çmuar në regjimin komunist të Kim-Jong Un. Quhet Song Hyok Choe dhe do të bëhet futbollisti i parë nga Korea e Veriut që do të aktivizohet në Itali. Talenti 18 vjeçar, që është provuar në ndeshjen e të rinjve Fiorentina – Virtus Entela, është ndjekur prej kohësh nga klubi “viola” dhe transferimi është bërë vetëm tani për hir të moshës. Hyok Choe konsiderohet si pasardhës i Pak Doo-Ik, futbollisti më i famshëm koranoverior i të gjitha kohërave dhe nuk e ka pasur të vështirë të përshtatet me grupin, pasi prej kohësh ka mësuar italisht.
