Lëvizja për Vlorën dhe një grup i shoqërisë civile depozituan sot një kallëzim penal kundër konçensionit të parkimeve në prokurorinë e Vlorës
Kallëzimi u bë për kryetarin e bashkisë së Vlorës Dritan Leli, ish-kryetarin Shpëtim Gjika, prefekten Etjona Hoxha, këshillin bashkiak nga 2009- e në vazhdim, dhe kompaninë fituese. Arsyeja e kallëzimit mësohet të jetë cënimi i interesave të qytetarëve.
Prej muajit gusht, parkimi në 22 rrugë të Vlorës është bërë me pagesë, ndërsa kontrata e koncesionit është 15 vjeçare, dhe bashkia përfiton 10 milionë lekë të reja në vit dhe 2% të të ardhurave vjetore të kompanisë.
Qytetaret duhet te paguajnë 50lek/orë për qëndrimin në vendparkim, ndërsa ne rast mos pagese ndëshkohen me tarifën shtesë prej 4500 lekë dhe bllokim gome deri në shlyerje të pagesës.
Geron Gumbardhi, avokat: “Ky kallëzim penal u bë në vazhdim të ankesave të vazhdueshme të qytetarëve vlonjate, të cilët e shikojnë veten të pafuqishëm përballë një koncesioni krejt të paligjshëm.”
Elidon Habilaj, përfaqësues i lëvizjes për Vlorën: “Nuk do të jetë hapi i parë. Do të ketë në vazhdimësi derisa qytetarët vlonjatë të jenë të vetëdijshëm për atë që po ju ndodh.”
Vasil Bedinaj, kreu i Shoqatës së Operatorëve Turistik: “I kërkojmë prokurorisë që të hetojë të gjithë personat përgjegjës përpara gjykatës ata që qëllimisht kanë dëmtuar rëndë financat, dinjitetin dhe të drejtat ligjore të vlonjatëve.”
