Monika Kryemadhit është zgjedhur kryetare LSI në mbledhjen e Konventës Zgjedhore të kësaj force politike.
Nënkryetari i LSI-së, Luan Rama u shpreh se LSI do jetë një opozitë e fortë në Kuvend dhe do përfaqësojë denjësisht qytetarët shqiptarë, të cilët sipas tij, në masën 75% refuzuan të votojnë Rilindjen.
Si kryetar i LSI, në vend të Vasilit është propozuar Monika Kryemadhi, e cila aktualisht mban postin e zv/kryetares. Ndërsa posti i zv/kryetarit pritet t’i kalojë Luan Ramës. Vasili pritet të drejtojë grupin parlamentar të LSI në Kuvend.
Në këtë Konventë bie në sy mungesa e presidentit të ardhshëm Ilir Meta.
Do jetë një rrugë e gjatë dhe me vështirësi por një rrugë që nuk ka më kthim prapa. Ne jemi padyshim forca kryesore opozitare në Shqipëri.
Kryemadhi ka akuzuar Edi Ramën për blerje votash me 25 qershor, ajo e garantoi Kryeministrin se do ta çojë për skrap qeverinë e tij.
“Në Shqipëri nuk e përcaktoi pakica opozitën por shumica e shqiptarëve që zgjodhën bojkotin masiv si rezistencë ndaj bandave të krimit, banditizmit politik që shpërtheu brutalisht në 25 qershor.
Edi Rama me paratë e drogës mund të blejë opozitën e deritanishme, mund të blejë dhe ndonjë ndërkombëtar. Por me gjithë paratë e krimit të rruzullit tokësor heshtjen e LSI kurrë nuk ka për ta blerë.
Shumicën pasive ta kthejmë sa më shpejt në aktive që del, proteston hapur në rrugët e sheshet e Shqipërisë. Sheshet nuk janë për mitingjet e administratës shtetërore por për protestën popullore. Ne do të jemi ata që do ta çojmë për skrap qeverinë e krimit të organizuar dhe të vjedhjes së votave.
Kryemadhi kërkoi falje edhe për bashkëqeverisjen me rilindjen e Ramës. Sipas saj reagimi i LSI ka qenë i vonuar”, u shpreh Monika.
