Forcat e Ndërhyrjes së Shpejtë vijojnë të jenë në terren në kërkim të eksponentëve kriminalë, duke kryer kontrolle të armatosur nëpër banesa.
Kryetari i Partisë Demokratike Sali Berisha e konsideron aksionin e forcave speciale terror hakmarrës. Ai shprehet se krerët e organizatës qeveritare Rama-Çuçi kanë terrorizuar banorët me narkopolicët e tyre.
“Stop terrorit hakmarrës banditesk ndaj Lazaratit. Të dashur miq, krerët e organizatës qeveritare kriminale Rama-Çuçi të tmerruar nga denoncimet e banorëve të Lazaratit të krimeve kundër njerëzimit të kryera ndaj tyre nga Rama-Tahiri dhe bandat e tyre me uniforme kanë mbushur Lazaratin me narkopolicë dhe terrorizojnë banorët. Portali i mirënjohur Jugulajme informon për terrorin hakmarrës primitiv që shtruan me porosi të Ramës dhe Çuçit gjatë kontrollit të banesës ndaj një nëne 70 vjeçare nga kriminel me uniformë. Dënoj më ashpërsinë më të madhe dhunën ndaj banorëve të Lazaratit dhe kërkoj ndalimin e menjëhershëm të saj”, tha Berisha.
