Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Konsulli i nderit Përparim Kalo: Cakaj të jap shpjegim publik për dëmin që më ka shkaktuar

Nga Ejona 0

Menjëherë pas deklaratës së ministrit të jashtëm, Gent Cakaj se 38 konsuj të nderit përfitojnë privilegje të pajustifikuara, teksa lëvizin me makina me targa diplomatike ka reaguar konsulli i nderit Përparim Kalo. Ai është shprehur që deklarata e ministrit është e habitshme dhe se ministri duhet të deklarojë publikisht për të kundërtën, në mënyrë që t’i kompensojë sadopak dëmin që i ka shkaktuar.

Reagimi i plotë:

“Ju faleminderit për notën verbale, e cila përcjell shqetësimin e ministrit të komanduar për saktësimin e rregullave protokollare në fushën e targave CD të automjeteve të Konsujve të Nderit.

Ndërkohë desha t’i përcillni ministrit të komanduar këtë mesazh:

Deklarimi se Konsujt e Nderit paskan bërë “shkelje të habitshme duke u pajisur me targa CD”, është në fakt një deklarim i habitshëm, pasi në asnjë vend të botës shteti nuk mund të konsiderojë shkelje, aq më tepër të habitshme, një veprim apo veprimtari të autorizuar prej vetë shtetit, ose organit të tij përfaqësues.

Ndërkohë personalisht konfirmoj se nuk do ta përdor targën CD, por nga ana tjetër kërkoj që ministri të deklarojë publikisht se Përparim Kalo nuk ka bërë shkelje të habitshme, për të kompesuar sadopak dëmin që ka shkaktuar lajmi, i përcjellë me aq bujë në media.

Jam i nderuar nga Mbretëresha Margreth II e Danimarkës dhe është e padrejtë të çnderohem nga ministër i komanduar i shtetit tim.  Përfitoj nga ky komunikim për t’ju përcjellë nderimet e rastit.”, shkruan Kalo në përgjigjen e emailit që i ka kthyer Ministrisë së Jashtme.

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej