Në një deklaratë për mediat, ish-kryeministri Sali Berisha e konsideron skemë mashtrimi nismën e qeverisë për të dhënë me koncesion shtetësinë. Berisha paralajmëroi Ramën se opozita nuk do ta njohë këtë praktike të dhënies së pasaportave. Sipas Berishës, kjo praktike do përdoret nga Berisha për të shtyrë në kalendar konferencën e dyte, që lidhet me procesin e integrimit te Shqipërie ne BE.
“Paralajmëroj Edi Ramën se këto praktika kanë një qëllim të dytë, bllokimin e procesit të integrimit ne BE. Është e vërtetë që konferenca e parë ndërqeveritare është mbajtur, është e vërtetë që negociatat nuk janë hapur në kuptimin që do shqyrtohen në një konferencë të dytë. Ka një mënyrë për ta shtyrë në kalendar konferencën e dytë, është kjo që bën Rama me pasaportën e artë dhe dhënin me koncesion të shtetësisë E paralajmëroj në mënyrë serioze se këto praktika do të kundërshtohen me të gjithë potencialet që ka opozita. Paralajmëroj çdo person, aplikimi mbi bazën e kësaj praktike nuk do të njihet nga opozita. Ndaj mos bien pre e një skemë të madhe mashtrimi. Ky është qëndrimi i PD ndaj këtij procesi në të cilën Rama kërkon të forcojë pushtetin e tij përmes drogës” – tha Berisha.
