Kreu i Kadastrës, Artan Lame ka njoftuar në Facebook, se do të presë njerëz për babain që i ndërroi jetë një muaj më parë.
Por ditën e djeshme Komiteti Teknik i Ekspertëve njoftoi se është vendosur ndalimi i grumbullimeve me më shumë se 10 persona, përfshirë këtu edhe ceremonitë mortore.
Sa i përket koronavirusit, Lame e ka përmendur atë vetëm në fund të postimit ku shkruan: “Ju lutem respektoni masat anti-covid!”
Postimi
Babi më munde!
Unë kam faqe timen në fb prej nja 15 vjetësh dhe mund të kem marrë e shumta nja 300 a 400 mesazhe për ndonjë postim.
Ti asnjëherë nuk pate fb, por mora 1100 mesazhe për ikjen tënde.
Ato ditë nuk mundëm të bëjmë adetet siç duhet, ndaj bashkë me mami Djanën dëshirojmë që të të kemi mes nesh duke të kujtuar me sa më shumë njerëz që të kanë njohur.
Miq,
Të premten dhe të shtunën, në datat 20 dhe 21 nëntor, nga ora 11:00 deri 20:00, në saletën e Restorant Piazza prapa Muzeut Kombëtar, do të presim vizita.
Ju lutem respektoni masat antikovid!
