Është mbledhur paraditen e kësaj të hëne komisioni parlamentar i sigurisë kombëtare, me në fokus ndryshimet në Kodin Penal sa i takon veprës penale të armëmbajtjes pa leje.
I pranishëm në këtë mbledhje ka qenë edhe Ministri i Drejtësisë, Ylli Manjani, i cili ka shprehur kritika sa i takon ndëshkimit të autorëve të kësaj vepre penale.
Manjani u shpreh se: “Gjykata Kushtetuese na dha ne mundësi të shqyrtojmë ligjin me propocionalitet. Vepra penale e armëmbajtjes pa leje ka një vakum në Kodin Penal neni 278. Kemi pasur konsulencë me gjyqtarë penaliste dhe nga ekspertë të Ministrisë së Mbrojtjes. Gjykata Kushtetuese është shprehur për shfuqizimin e nenit 55 për bashkim matematik të dënimeve. Tani aplikohet dënimi më i rëndë i marrë, jo ai matematik. Neni 279 ka ndryshuar, për të vendosur dënimin penal në kushte më logjike”.
Ministri i Drejtësisë theksoi se: “Është e papranueshme të dënohesh për armëmbajtje njësoj si për terrorizëm”.
