Kombëtarja niset për në Lion, gati për ndeshjen e radhës. Përfaqësuesja shqiptare luan të djelën përballë Rumanisë sfidën më vendimtare për këtë Europian, që do të përcaktojë nëse rrugëtimi i tyre përfundon këtu apo ka ndonjë mundësi për të vazhduar përpara.
Memushaj është i vetmi që nuk ka punuar gjatë gjithë kohës me grupin, ndërsa është rekuperuar plotësisht Ajeti. Në ndeshjen ndaj rumunëve do të mungojë Kukeli, vendin e të cilit pritet ta marrë Taulant Xhaka.
Ndërkohë dy prej lojtarëve të kombëtares shqiptare Andi Lila dhe Bekim Balaj shprehen se kuqezinjtë janë gati të japin gjithçka për të arritur fitoren ndaj ekipit të drejtuar nga Iordaneskut dhe për të realizuar ëndrrën e kualifikimit.
Shanset:
Sipas statistikave historike, Shqipëria nuk ka mundur asnjë herë ta mundë Rumaninë në 8 ndeshje të luajtura.
6 përballje kanë përfunduar në favor të rumunëve, ndërsa në ndeshje skudrat janë ndarë në paqe.
Dy ndeshjet, në të cilat Shqipëria ka arritur të barazojë me Rumaninë janë në vitin 2010 dhe 2011.
Megjithatë në futboll nuk flitet me statistika, kështu që kuqezinjtë duhet të vazhdojnë të shpresojnë për një fitore, që mund të na siguronte kualifikimin si vendi i tretë më i mirë. 
