Pas vendimit të Kolegjit Zgjedhor për të lënë në fuqi 30 qershorin për zgjedhjet vendore, ka reaguar kryetari i LZHK-së Dashamir Shehi i cili shprehet se opozita nuk e njeh këtë vendim.
Shehi shprehu vendosmërinë për t’u përballur në çdo cep të Shqipërisë për të mos lejuar votimet e 30 qershorit, ndërsa tha se në vend do të kulmojnë protestat popullore.
“Nuk morën ndonjë vendim se vendimet janë marrë me kohë, kjo javë do kulmojë me protestë popullore, këto janë votimet e zotit Rama ne do ndjekim dekretin e Presidentit Meta. Kjo që u mor sot me një parti fantazëm, kolegji është fantazëm s’ka vlerë juridike, ne nuk e njohim këtë vendim.
Kjo do jetë java e artë ne do përballemi në cdo cep të Shqipërisë me këto juntë politike, me datë 30 nuk do ketë votime, kemi shumicën e shqiptarëve me vete. Në të gjitha format do i ndalim. Kemi treguar deri më sot që janë mbledh me mijëra njerëz e s’ka ndodh kurrgjë, kjo është rezistenca jonë dhe do jetë më e madhe gjatë javës”, u shpreh Shehi.
