Festa e Krishtlindjes është festuar edhe në burgjet shqiptare. Në redaksinë e Report TV ka mbërritur kjo foto nga burgu i Fushë Krujës nga ku duken disa të burgosur që janë mbledhur në dhomën e një prej të burgosurve duke festuar.
Të burgosurit janë fotografuar duke festuar me një tavolinë të mbushur plot ku nuk mungon edhe një kokë qengji e pjekur, por edhe bakllavaja.
Gjithashtu nuk mungon edhe një shishe raki, paçka është e ndaluar në burgjet shqiptare.
Gjithashtu i ndaluar në burg është edhe celulari dhe në foto vihet re dikush që po e përdor i pashqetësuar.
