Gazetarja Klodiana Lala edhe një herë ka bërë me dije se ajo nuk do të nxirrte kurrë burimet e saj të informacionit, edhe pse prokuroria ka nisur një hetim penal lidhur me publikimin e përgjimeve, që hedhin dritë mbi shit-blerjen e votës nga eksponentë partiakë në qarqet Durrës, Lezhë, Kavajë dhe Dibër.
Gazetarja Klodiana Lala ka edhe një mesazh për kryeministrin Edi Rama, të cilit i sugjeroi të reflektojë për zyrtarët që ka pranë dhe janë të kapur me anëtarë të krimit të organizuar.
“Hyj në atë kategori gazetarësh që kanë luftuar fort për të gjetur një dokument zyrtar, jam e qartë në atë që kam shkruar. Prokuroria ka punën e saoj, por para se të hetojë gazetarët për burimet që e them me bindje të plotë nuk i nxjerr asnjëherë do të duhet të hetojnë ato dhjetëra mijëra dosje që flenë në Prokurori. Si mundet një prokuror të më kërkojë mua si gazetar llogari për një burim apo shumë burime që s’kam për t’i treguar asnjëherë?!”, tha Lala.
